आ. विनोद अग्रवाल यांनी केलं विजयाचे अभिनंदन
गोंदिया : गोंदिया पंचायत समितीच्या पुढील अडीच वर्षाच्या कार्यकाळासाठी आज 20 जानेवारी रोजी निवडणूक पार पडली. चाबी (आता भाजप), राष्ट्रवादी काँग्रेस, बसपा आणि अपक्ष यांच्या आघाडीत अडीच वर्षे उत्तम कारभार करणाऱ्या गोंदिया पंचायत समितीचे सभापती मुनेश रहांगडाले यांना पुन्हा अडीच वर्षे सरकार चालवण्याची संधी मिळाली. तर राष्ट्रवादीने यावेळी शिवलाल जमरे यांना उपसभापतीपदाची संधी दिली.
या निवडणुकीत अन्य कोणीही पुढे न आल्याने दोन्ही उमेदवारांची निवडणूक निवडणूक अधिकाऱ्यांनी बिनविरोध निवड केली. त्यानंतर मुनेश रहांगडाले पंचायत समितीचा कार्यभार स्वीकारून गोंदिया ग्रामीणच्या विकासाला चालना देणार आहेत. नवनिर्वाचित सभापति मुनेश रहांगडाले हे भाजपचे आमदार विनोद अग्रवाल यांचे खास समर्थक आणि मित्र आहेत. सभापति पदासाठी पुन्हा मनोनित झाल्याने आमदार विनोद अग्रवाल यांनी त्यांचे स्वागत, अभिनंदन केले. आमदार अग्रवाल यांनी उपसभापती शिवलाल जमरे यांचेही विजयाबद्दल अभिनंदन केले. ग्रामपंचायत व जिल्हा परिषद यांच्यातील दुवा म्हणून राज्य व केंद्र शासनाच्या विविध योजना ग्रामीण जनतेपर्यंत पोहोचविण्याचे काम पंचायत समितीचे आहे. पंचायत समितीच्या माध्यमातूनच तहसीलमधील विकासकामांचा आराखडा तयार करून त्याची अंमलबजावणी केली जाते. मुनेश रहांगडाले जेव्हा पंसचे सभापति होणार होते, तेव्हा पंस संथगतिने जात होती. आमदार विनोद अग्रवाल यांच्या विशेष सहकार्याने सभापति मुनेश रहांगडाले यांनी अनुभवाचा उपयोग करून ही पंचायत समितिला पुन्हा रुळावर आणली आणि विकासाच्या गतीला पंख दिले. आता पुन्हा एकदा त्यांना संधी मिळाल्यास विकासाची बुलेट ट्रेन पुन्हा वेगाने पुढे सरकणार असल्याचे चित्र स्पष्ट झाले आहे. त्यांच्या विजयाबद्दल आमदार विनोद अग्रवाल, माजी आमदार राजेंद्र जैन, भाजप जिल्हाध्यक्ष ऍड. येशुलाल उपराडे, संघटनमंत्री वीरेंद्र (बाळाभाऊ) अंजनकर, एपीएमसी अध्यक्ष भाऊराव उके, सरचिटणीस सुनील केळनका, ग्रामीण मंडळ छत्रपाल तुरकर, सर्व पंचायत समिती सदस्य, सर्व ग्रामपंचायत सरपंच, उपसरपंच आदींनी अभिनंदन केले.
